Jujitsu Iceland

Velkomin á heimasíðu Ju Jitsufélags Reykjavíkur

 

Á síðunni finnur þú upplýsingar um starfsemi félagsins, æfingartíma, æfingargjöld, gráðun og fleira. Þeir sem vilja æfa ju jitsu geta skráð sig hér.

Við bjóðum öllum tvo fría prufutíma. Það er besta leiðin til að komast að því hvort þetta hentar ykkur. Hafið samband við yfirkennara á netfangið sensei@sjalfsvorn.is eða í síma 863-2804. Áður en þú sendir tölvupóst, endilega kíktu á "spurt og svarað" (FAQ), og athugaðu hvort þú fáir svar við spurningu þinni.

 

Ju-jitsu - fréttir
KONUR OG SJÁLFSVÖRN.
Núna langar mig til að halda námskeið í og um sjálfsvörn sem er eingöngu fyrir ykkur konur.
Miðað við að næg þáttaka fæst þá verður þetta næstu helgi þ.e. 11. júní kl. 11:30-13:00 og 12 júní kl. 14:00-15:30.

Gjaldið er kr. 1.500,-

Skráning fer fram með því að senda póst á Sensei@sjalfsvorn.is.
Mikilvægt að fram komi nöfn þeirra sem vilja koma og aldur.

Námskeiðið er fyrir konur á öllum aldri en ég miða við að þáttakendur séu ekki yngri en 15 ára. Þetta verður bæði fræðilegt og verklegt námskeið svo þægilegur æfingafatnaður er æskilegur.

Farið verður yfir helstu þætti sjálfsvarnar t.d.
Hvernig bregst líkaminn við árás?
Hvað er að gerast í huga árásarmanns og þeim sem fyrir árás verður?
Hvernig á ég að varast óæskilegar aðstæður?
Hvaða brögð/tæknir þarf ég að kunna til að verja mig?
og margt fleira verður farið yfir.

Hlakka til að heyra frá ykkur konur sem viljið fræðast aðeins um sjálfsvörn.

kv.
Sensei Magnús
Síðast uppfært: Fimmtudagur, 09. júní 2016 19:43
 
Sumarkveðjur
Gleðilegt sumar allir Ju-Jitsu menn og konur.

Hjartans þakkir fyrir góðann vetur sem hefur verið í marga staði góður en ekki síst skemmtilegur.
Það er mín tilfinning að við erum sem hópur orðinn vel í stakk búinn til að gera öflugt starf enn öflugara og það er tilhlökkun hjá mér að undirbúa núna tuttugasta veturinn undir merkjum Ju-Jitsufélags Reykjavíkur.
Á næsta ári verður félagið okkar sem sagt tuttugu ára og ber okkur að fagna þeim merku tímamótum á eins veglegan máta og hægt er fyrir okkur.
Undirbúningurinn er aðeins farinn af stað og hugmyndir komnar að nokkrum viðburðum. Ég vil hvetja ykkur öll að láta okkur sem leiðum starfið að heyra ykkar hugmyndir af viðburðum og uppákomum sem ykkur hugnast í tilefni þessara tímamóta.

Núna um helgina 23. – 24. Apríl verðum við með heimsókn frá Englandi þar sem Sensei Simon Rimington er hjá okkur og er dagskrá báða dagana. Þetta er vel kynnt á facebook og vonast ég til að sjá ykkur um helgina.

DAGSKRÁ:
Laugardagur 23. apríl
kl. 11:30-13:00      Senior JU-JITSU
kl. 13:30-15:00 Senior JU-JITSU
Sunnudagur 24. apríl
kl. 11:00-12:30 Junior, Börn og Unglingar JU-JITSU
kl. 13:30-15:30 Senior JU-JITSU
 
Verðskrá:
Senior (15 ára og eldri): Báða dagana   kr. 7.000,-
Einn dagur kr. 4.500,-
Junior (8 ára – 14 ára) kr. 2.500,-

Allir eru hjartanlega velkomnir að taka þátt hvort sem þú ert alveg nýr í þessu eða lengra kominn eða jafnvel hefur aldrei prófað Ju-Jitsu en hefur áhuga að prófa.
Að lokum vil ég óska ykkur öllum alls hins besta í sumar og vonast til að sjá ykkur sem fyrst á Ju-Jitsu æfingum.

Sumarkveðja
Sensei Magnús Ásbjörnsson

 
<< Fyrsta < Fyrri 1 2 3 4 5 6 7 8 9 10 Næsta > Síðasta >>

Síða 4 af 61